Korrupsiyaxəbər informasiya portalının rəhbəri Elyaz Yazan, Qafqaz Müsəlmanları İdarəsinin Bakı şəhəri İçərişəhər “Cümə” məscidinin axundu Hacı Surxay Məmməd oğlu Məmmədlini doğum günü münasibətilə səmimi qəlbdən təbrik edib.

Təbrikdə deyilir:

“Hörmətli Hacı Surxay!

Sizi doğum gününüz münasibətilə ürəkdən təbrik edir, Sizə möhkəm cansağlığı, uzun ömür, ailə səadəti və fəaliyyətinizdə yeni-yeni uğurlar arzulayıram.

Siz 5 may 1968-ci ildə Masallı rayonunun Sirəbil kəndində dünyaya göz açaraq, həyat yolunuzu elmə, maarifçiliyə və dini-mənəvi dəyərlərin təbliğinə həsr etmisiniz. Orta təhsilinizi doğma Sirəbil kəndində aldıqdan sonra 1990-cı ildə Qafqaz İslam Universitetinə daxil olmağınız və təhsil aldığınız müddətdə həmin ali təhsil ocağında müəllim kimi fəaliyyət göstərməyiniz Sizin elmə və maarifə olan bağlılığınızın bariz nümunəsidir.

Tələbəlik illərinizdə Azərbaycan Müsəlman Gənclər Birliyinə sədrlik etməyiniz, gənclərlə iş sahəsində göstərdiyiniz fəallıq və liderlik keyfiyyətləriniz Sizin gələcək fəaliyyətinizin möhkəm təməlini təşkil etmişdir.

1993-cü ildə Bakı şəhərinin Xətai rayonunun Əhmədli qəsəbəsinə axund təyin olunmağınız, daha sonra 1997–2004-cü illərdə Rusiya Federasiyasının Dağıstan Respublikasının Dərbənd şəhərində Qafqaz Müsəlmanları İdarəsinin səlahiyyətli nümayəndəsi kimi fəaliyyət göstərməyiniz Sizin dini xidmət sahəsində qazandığınız etimadın və nüfuzun göstəricisidir.

2004-cü ildən etibarən İçərişəhər “Cümə” məscidinin axundu və eyni adlı dini icmanın rəhbəri kimi fəaliyyətinizlə Siz paytaxtımızın dini-mənəvi həyatında mühüm rol oynayır, insanlara doğru yolu göstərmək, onları maarifləndirmək və milli-mənəvi dəyərlərimizi yaşatmaq istiqamətində dəyərli xidmətlər göstərirsiniz.

2016-cı ildə Rusiya Federasiyasının Təhsil və Elm Nazirliyinin Ali Attestasiya Komissiyasının qərarı ilə Sizə ilahiyyat elmləri doktoru elmi dərəcəsinin verilməsi Sizin elmi fəaliyyətinizin və dini biliklərinizin yüksək səviyyəsinin təsdiqidir.

Sizin Azərbaycan, ərəb, fars, rus və ingilis dillərini bilməyiniz isə geniş dünyagörüşünüzün, elmi və dini biliklərinizi müxtəlif mühitlərdə uğurla tətbiq etmə bacarığınızın göstəricisidir.

Səmimiyyətiniz, insanlara yaxınlığınız, mənəvi dəyərlərə sadiqliyiniz və cəmiyyətimizə göstərdiyiniz xidmətlər daim yüksək qiymətləndirilir və böyük hörmət doğurur.

Uca Allahdan Sizə möhkəm cansağlığı, uzun ömür, ailə xoşbəxtliyi və bu şərəfli yolda yeni-yeni nailiyyətlər arzulayıram. İnanırıq ki, bundan sonra da Siz öz fəaliyyətinizlə cəmiyyətimizə dəyərli töhfələr verməyə davam edəcəksiniz.

Doğum gününüz mübarək!”

Hörmətlə,
Elyaz Yazan
Korrupsiyaxəbər.com.az İnformasiya-Xəbət Portalının rəhbəri