Zaqatala Rayon Polis Şöbəsinin rəhbərliyi başda olmaqla, bütün əməkdaşlarına:
Mən, Elyaz, "KORRUPSİYAXƏBƏR" in rəhbəri, Sizə dərin təşəkkürümü bildirmək istəyirəm. Belə ki, Zaqatala rayonunun bir kəndində baş verən hadisə ilə bağlı apardığım araşdırma nəticəsində, gənc bir qadının uşaqla birlikdə qaçırılması faktı üzə çıxmışdı. Sizin peşəkar müdaxiləniz nəticəsində, taksi sürücüsü ilə qurulan əlaqə və sürətli tədbir sayəsində, həmin qadın Lənkəran şəhərində tapıldı və təhlükəsiz şəkildə geri qayıtdı. Bu çətin vəziyyətdə Sizin göstərdiyiniz dəstək, təqdirəlayiqdir. Sizə bu peşəkarlığa görə minnətdarlığımı bildirir, gələcəkdə də Sizin kimi yüksək peşəkar əməkdaşlara güvəndiyimi vurğulayıram.
Ayrıca olaraq, bu barədə də AR-nın DİN-nin rəhbərliyinə tərəfimizdən təşəkkür məktubu ünvanlanacağını diqqətə çatdırıb, bir daha minnətdarlığımı bildirirəm.
Hörmətlə, Elyaz (Yazan) Gülüyev
Təsisçi, baş direktor
