İsraillə hərbi toqquşmanın ilk günlərində öldüyü deyilən İran İslam İnqilabı Keşikçiləri Korpusu (SEPAH) Qüds Qüvvələrinin komandanı, general İsmayıl Qaani sağ imiş.
“Tasnim” xəbər verir ki, o, İsrail və İran arasında atəşkəsdən sonra Tehranda keçirilən mitinqdə iştirak edib.
Sözügedən media orqanı Qaaninin görüntülərini paylaşıb.
Bundan öncə İranın ali rəhbəri Əli Xameneinin müşaviri Əli Şamxaninin də öldürüldüyü bildirilsə də, sonradan onun sağ olduğu məlum olmuşdu.
