Bu ilin fevralında Kür çayında batan Samux rayon sakini 22 yaşlı İsmayıl Xaliq oğlu Şibliyevin meyiti tapılıb.
“Qafqazinfo” xəbər verir ki, rayonun Seyidlər kənd sakini olan İsmayılın meyiti sudan çıxarılaraq aidiyyəti üzrə təhvil verilib.
Qeyd edək ki, hadisə vaxtı İsmayılla birgə Şəmkir rayon sakini 1999-cu il təvəllüdlü Müşfiq Rəhim oğlu İsmayılov da Kürdə batmışdı. Onların balıq tutarkən bədbəxt hadisə ilə üzləşdikləri bildirilib.
Faktla bağlı araşdırma aparılır.
