Dövlət Dumasının MDB işləri üzrə komitəsi sədrinin birinci müavini Konstantin Zatulin deyib ki, Azərbaycan heç vaxt Rusiyanın strateji tərəfdaşı olmayıb.
Ermənilərin muzdlu nökəri olan Zatulin bu barədə “Lenta.ru” saytına müsahibəsində danışıb.
Deputat qeyd edib ki, Azərbaycan nə Avrasiya İqtisadi İttifaqının, nə də Kollektiv Təhlükəsizlik Müqaviləsinin üzvü deyil, onun üzvlərinə münasibətdə strateji tərəfdaş ifadəsi işlədilir. Eyni zamanda, belə üzvlük açıq anti-Rusiya kursunun həyata keçirilməsindən qorunmur, deyə o qeyd edib.
Zatulin müsahibəsində Rusiyanın əsas məqsədinin nə olduğunu da açıqlayıb. O bildirib ki, Azərbaycan ərazi bütövlüyünü bərpa etdikdən sonra Rusiyanın reaksiyasını nəzərə almır.
"Bundan sonra Azərbaycan rəhbərliyinin Rusiyanın bu cür hərəkətlərə müdaxiləsindən ehtiyatlanmağa heç bir əsası qalmadı. Rusiya ilə xüsusi münasibətləri vurğulamaq zərurəti əhəmiyyət kəsb etməkdən çıxdı", - Zatulin bildirib.
Onun sözlərinə görə, Azərbaycan müstəqillik tarixi boyu heç vaxt əvvəldən Rusiya ilə strateji tərəfdaş olmayıb.
“Bu, bizim tərəfimizdən səhvdir. Bizim Azərbaycandan şimal-cənub dəhlizinin elementi kimi istifadə etmək planlarımız, fikrimcə, çox problemlidir. Baxmayaraq ki, bu iş davam edir, amma hələ ki, irəliləyişə səbəb olmayıb", - deputat bildirib.**Publika.az
