Daxili işlər naziri general-polkovnik Vilayət Eyvazov ərazi orqanlarının rəislərindən vətəndaşların müraciətlərinə bundan sonra da həssaslıqla yanaşılmasını tələb edib.
"KORRUPSİYAXƏBƏR" in məlumatına görə, AR-nın DİN-i general-polkovnik, Vilayət Eyvazov DİN-də cari ilin 9 ayının yekunlarına və qarşıda duran vəzifələrə həsr olunan kollegiya iclasında çıxış edərkən əsas vəzifələrdən birinin vətəndaş məmnunluğunun təmin edilməsi olduğunu deyib.
Nazir bu mühüm məsələdə polisin hər zaman insanların güvən yeri olduğunu xatırladaraq ərazi orqanlarının rəislərindən vətəndaşların müraciətlərinə bundan sonra da həssaslıqla yanaşılmasını, bütün araşdırmaların keyfiyyətlə aparılaraq qaldırılan məsələlərin qanuni və operativ həlli üçün səylərin gücləndirilməsini və tapşırılmış sahəyə məsuliyyətin daha da artırılmasını tələb edib.
Onu da qeyd edək ki, cənab nazirin bu kimi tələbinə görə, redaksiya heyətinin rəhbəri Elyaz Yazan başda olmaqla, bütün redaksiya heyyətimizin adından cənab nazirə təşəkkürümüzü bildirir və eşq olsun deyirik.
KORRUPSİYAXƏBƏR
