Azərbaycan Respublikasının prokurorluq orqanlarının əməkdaşlarını Peşə Bayramı Günü münasibətilə təbrik edirəm!
"KORRUPSİYAXƏBƏR" in rəhbəri Elyaz Yazan, bu gün Azərbaycan Respublikasının baş prokuroru cənab Kamran Əliyev başda olmaqla, Azərbaycan Respublikasının prokurorluq orqanlarının əməkdaşlarını peşə bayramları münasibətilə təbrik edib.
Təbrikdə deyilir:
Hörmətli prokuror dostlarım!
Sizi 1 oktyabr — Azərbaycan Respublikası Prokurorluğu İşçilərinin Peşə Bayramı Günü münasibətilə səmimi-qəlbdən təbrik edir, hər birinizə möhkəm cansağlığı, ailə səadəti, məsuliyyətli və şərəfli fəaliyyətinizdə davamlı uğurlar arzulayıram.
Prokurorluq institutu hüquqi dövlət quruculuğunun, qanunun aliliyinin təmin edilməsinin, insan hüquq və azadlıqlarının müdafiəsinin, eləcə də cəmiyyətdə hüquq düşüncəsinin və ədalət prinsiplərinin möhkəmləndirilməsinin mühüm dayaqlarından biridir. Bu məsuliyyətli sahədə fəaliyyət göstərmək yüksək peşəkarlıqla yanaşı, prinsipiallıq, obyektivlik, qərəzsizlik, vicdanlılıq və dövlətə sədaqət tələb edir.
Əminəm ki, qanunun aliliyinə, hüquqi dövlətçilik prinsiplərinə və ədalət meyarlarına sadiq qalaraq həyata keçirdiyiniz fəaliyyət Azərbaycan dövlətçiliyinin möhkəmlənməsinə, vətəndaşların hüquq və qanuni mənafelərinin etibarlı müdafiəsinə xidmət edir.
Əziz dostlar, arzu edirəm ki, peşə fəaliyyətinizdə hər zaman qanunun gücü, ədalətin nüfuzu və vicdanınızın səsi sizə yol göstərsin. Dövlətə və xalqa xidmət kimi şərəfli missiyanızda uğurlarınız bol, qərarlarınız obyektiv, əməyiniz isə daim yüksək qiymətləndirilən olsun.
Peşə bayramınız mübarək! Qoy ədalətə xidmət yolunuz daim uğurlu, nüfuzunuz yüksək, dövlətimizə və xalqımıza xidmət əzminiz sarsılmaz olsun!
Dərin hörmət və səmimi ehtiramla, KORRUPSİYAXƏBƏR.com.az və RESPUBLİKAXƏBƏR.AZ informasiya-xəbər portallarının təsisçisi Elyaz (Yazan) Gülüyev
