"KORRUPSIYAXƏBƏR ə daxil olan məlumata görə, adının qeyd olunmasını istəməyən şəxs, (Şəki rayon, Baş Göynük kənd sakini) redaksiyamıza müraciət edərək, 05 Sentyabr 2024-cü il tarixdə, təxminən saat 21:30 radələrində, işdən çıxaraq evinə getdiyi zaman Bakı Şəhəri, Nərimanov rayon, Ziya Bünyadov prospektində yerləşən "FAB BOYA" Ticarət mərkəzinin önündə betonun üzərində oturub avtobus gözlədiyi vaxtda, yorğun olduğundan yuxuya getmiş, ayılanda mobil telefonunun və cibində olan 40 manat məbləğində pulun oğurlandığının şahidi olub. Vətəndaş, ictimaiyyət arasında (onsuz da polis tapmır ki,) kimi yanlış fikirlərə görə, polisə şikayət etmək fikrindən daşınıb. Bu gün "KORRUPSİYAXƏBƏR" in rəhbəri Elyaz Yazanın jurnalist olduğunu bilən şəxs, ona əhvalatı danışmıs, Elyaz Yazan isə ona bu işdə kömək edəcəyini, hüquq-mühafizə orqanlarına müraciət məktubunu yazacağını bildirmişdir.
Nəticə etibarı ilə diqqətinizə çatdırırıq ki, həmin müraciətlə bağlı vətəndaş Nərimanov RPİ-nin 17-ci PB-nə ərizə ilə müraciət etmək qərarına gəlmişdir.
Məsələ diqqətdə saxlanılır.
KORRUPSİYAXƏBƏR
