Qaxda külli miqdarda narkotik vasitə aşkarlanıb – əvvəllər məhkum olunmuş şəxs saxlanıldı
Bu barədə "KORRUPSİYAXƏBƏR" ə DİN-nin Mətbuat xidmətindən məlumat verilib.
Azərbaycanda narkotik vasitələrin qanunsuz dövriyyəsinə qarşı hüquq-mühafizə orqanları tərəfindən tədbirlər qətiyyətlə davam etdirilir.
Məlumatda bildirilib ki, bu istiqamətdə keçirilən növbəti uğurlu əməliyyat zamanı Qax Rayon Polis Şöbəsinin əməkdaşları narkotik vasitələrin qanunsuz dövriyyəsində şübhəli bilinən şəxsi saxlayıblar.
Əməliyyat tədbirləri nəticəsində əvvəllər də analoji cinayət əməlilə məhkum olunmuş 53 yaşlı şəxsdən 4 kiloqram 300 qram narkotik vasitə marixuana aşkarlanaraq götürülüb.
Faktla bağlı araşdırmalar davam etdirilir.
Qeyd edək ki, son dövrlər ölkə ərazisində narkotiklərin qanunsuz dövriyyəsinə qarşı həyata keçirilən əməliyyat tədbirləri daha da gücləndirilib və hüquq-mühafizə orqanları tərəfindən bu istiqamətdə ardıcıl mübarizə aparılır.
“KORRUPSİYAXƏBƏR.COM.AZ” informasiya portalı olaraq, narkotiklərlə mübarizə istiqamətində həyata keçirilən tədbirlərə görə Daxili İşlər Orqanlarının rəhbərliyinə, eləcə də Qax Rayon Polis Şöbəsinə yeni təyin olunmuş rəisə və şöbənin əməkdaşlarına təşəkkürümüzü bildiririk. Cəmiyyətin təhlükəsizliyi naminə həyata keçirilən bu cür tədbirlər təqdirəlayiqdir.
"KORRUPSİYAXƏBƏR"
