Dərnagül Tikinti Malları Bazarında işləyən vətəndaşlar, (fəhlələr) "KORRUPSİYAXƏBƏR"ə müraciət edərək, bazarın qısa zaman ərzində söküləcəyi ilə bağlı məlumatlarının olduğunu və həmin məlumatın doğru olub-olmadığını öyrənmək istəyiblər.
Vətəndaş müraciətləri əsasında araşdırmamız zamanı bir-neçə sahibkara bildiriş formasında üç-dörd vərəqdən ibarət məktub verildiyini və həmin bildirişin sonunda heç bir möhür və imza olmadığını deyiblər.
Onu da qeyd edək ki, Fəhlələri əsas inandıran və narahat edən məsələ bazarın bir-neçə ərazisində "Abşeron Ticarət Mərkəzi" inə məxsus reklam xarakterli elanların vurulmasıdır.
Onu da qeyd edək ki, "Dərnəgül Tikinti Malları" bazarının söküləcəyi ilə bağlı bəzi sahibkarlara təqdim edilmiş bildiriş məktublarının həqiqətə uyğun olub-olmaması və eləcə də bazarın tam sökülməsi üçün verilmiş zamanla bağlı tərəfimizdən Azərbaycan Respublikasının nazirlər kabinetinə sorğu məktubu ünvanlanacaqdır. Sorğu məktubumuza verilən cavab məktubu ilə bağlı da təkrar ictimaiyyətə məlumat veriləcəkdir.
KORRUPSİYAXƏBƏR
