Doğulduğu kəndin məktəbindəki müsbət dəyişikliklər jurnalistin diqqətindən yayınmadı
Bu gün tanınmış jurnalist, KORRUPSİYAXƏBƏR.com.az və RESPUBLİKAXƏBƏR.AZ informasiya-xəbər portallarının təsisçi rəhbəri Elyaz Yazan doğulduğu Şəki rayonunun Baş Şabalıd kəndində yerləşən Baş Şabalıd kənd tam orta məktəbində olub.
Məktəbin inzibati binasına daxil olan Elyaz Yazan burada əvvəlki dövrlərlə müqayisədə bir sıra müsbət dəyişikliklərin nəzərəçarpacaq dərəcədə artdığını müşahidə edib.
Xüsusilə məktəbdə təmizlik, sanitar vəziyyət, nizam-intizam və ümumi səliqə baxımından əvvəlki illərlə müqayisədə əhəmiyyətli irəliləyişlərin olduğu diqqət çəkib.
Jurnalist məktəbdəki mövcud vəziyyəti müsbət qiymətləndirərək, görülən işlərə görə məktəbin direktoruna təşəkkürünü bildirib.
Elyaz Yazan qeyd edib ki, təhsil müəssisəsinin yalnız tədris göstəriciləri deyil, eyni zamanda şagirdlərin sağlam və təhlükəsiz mühitdə təhsil alması, məktəbdə təmizlik və nizam-intizamın qorunması da mühüm əhəmiyyət daşıyır.
Redaksiya olaraq hesab edirik ki, hər hansı müəssisədə müsbət dəyişiklik və görülən səmərəli işlər də obyektiv şəkildə qeyd edilməli, bu istiqamətdə çalışan rəhbər və əməkdaşlara ictimai təşəkkür bildirilməlidir.
Baş Şabalıd kənd tam orta məktəbinin rəhbərliyinə və kollektivinə gələcək fəaliyyətlərində uğurlar arzulayırıq.
"KORRUPSİYAXƏBƏR"
