Azərbaycanda ehsan mərasimləri uzun illərdir ki, həm dini, həm də sosial baxımdan mühüm ənənə kimi yaşadılır. Lakin son dövrlərdə bu mərasimlərin bəzi hallarda həddindən artıq xərc tələb etməsi, israfçılığa yol açması və ailələr üçün əlavə maliyyə yükünə çevrilməsi cəmiyyətdə müzakirə mövzusuna çevrilib. Bir çoxları hesab edir ki, ehsan üçün ayrılan vəsaitin daha faydalı istiqamətlərə – məsələn, yolların təmiri, ehtiyacı olan ailələrə yardım və ya ictimai layihələrə yönəldilməsi həm savab baxımından, həm də sosial fayda nöqteyi-nəzərindən daha məqsədəuyğundur. Bu yanaşma ənənənin mahiyyətini qorumaqla yanaşı, onu müasir dövrün tələblərinə uyğunlaşdırmaq kimi də qiymətləndirilir.
Bəs görəsən, ehsan ənənəsində israfçılıqdan uzaqlaşıb vəsaiti cəmiyyət üçün faydalı layihələrə yönəltmək Azərbaycanda ümumi, yeni və davamlı bir ənənəyə çevrilə bilərmi?
Bu barədə "KORRUPSİYAXƏBƏR" in təsisçi rəhbəri Elyaz Yazan, bildirir ki, ölkəmizdə son zamanlar belə bir qadağaların qoyulması gözəl bir haldır. Lakin, bəzi hallarda bu qadağanın yalnız rayonlarda qüvvəsində olduğu deyilir.
Yəni hər hansı bir vətəndaş dünyasını dəyişən bir şəxs üçün yemək və dəbdəbəli ehsan süfrəsi açarsa, polis tərəfindən aparılır. Bəs bu niyə paytaxt bakıda qadağan olunmur.
Əlavə olaraq, maraqlı olan tərəfi odur ki, polis həmin şəxsi polis şöbəsinə apararaq onun barəsində AR-İXM-nin neçənci maddəsinə uyğun olaraq, protokol tərtib edir?
Bu barədə AR-nın Baş prokurorluğuna və eləcə də DİN-nin rəhbərliyinə tərəfimizdən rəsmi sorğu məktubu ünvanlanacaqdır.
"KORRUPSİYAXƏBƏR"
