Kiş kəndində nümunəvi təşəbbüs: ağsaqqallarla birgə müzakirə və sosial məsələlər diqqət mərkəzində
"KORRUPSİYAXƏBƏR" in rəhbəri Elyaz Yazan, bölgələrdə yerli idarəetmə ilə vətəndaşlar arasında birbaşa dialoqun qurulmasını yüksək qiymətləndirib.
Bir-neçə gün bundan öncə əldə etdiyimiz məlumata görə, Şəki Şəhər İcra Hakimiyyəti Yanında Kiş kənd inzibati ərazi dairəsi üzrə nümayəndəliyin təşkilatçılığı ilə kəndin ağsaqqalları ilə görüş keçirilib. Görüşdə rəhbərlik tərəfindən verilmiş tapşırıqların icra vəziyyəti müzakirə olunub, eyni zamanda kənd sakinlərini narahat edən sosial problemlər ətrafında geniş fikir mübadiləsi aparılıb.
Belə görüşlər yerli səviyyədə şəffaflığın artırılması, vətəndaşların fikirlərinin dinlənilməsi və problemlərin operativ şəkildə həllinə zəmin yaradılması baxımından xüsusi əhəmiyyət daşıyır. Ağsaqqalların iştirakı isə qərarların daha obyektiv və ictimai maraqlara uyğun şəkildə formalaşmasına töhfə verir.
Bu təşəbbüsə görə Kiş kənd İƏD üzrə nümayəndəliyinə təşəkkür edir, bu kimi açıq dialoq mühitinin davamlı olmasını arzulayırıq. İnanıram ki, bu cür yanaşmalar regionlarda sosial rifahın yüksəldilməsinə və vətəndaş məmnuniyyətinin artırılmasına mühüm töhfə verir.
"KORRUPSİYAXƏBƏR"
