BAŞSAĞLIĞI
Masallı rayonunun Ərkivan qəsəbəsində uzun illər “Hacı Mir Kərim ağa” məscidində imam kimi fəaliyyət göstərmiş, ömrünü dini dəyərlərin təbliğinə və insanlara mənəvi yol göstərməyə həsr etmiş hörmətli din xadimi Mirkərim Əliyevin vəfatı bizi dərin kədərə boğdu.
25 oktyabr 1939-cu ildə Masallı rayonunun Ərkivan kəndində anadan olmuş Mirkərim Əliyev ömrü boyu öz nəcib əməlləri, yüksək mənəviyyatı və insanlara olan qayğısı ilə seçilmiş, bölgədə böyük hörmət və nüfuz qazanmışdır.
Mərhum Masallıda və Bakı şəhərində yerləşən kliniki xəstəxanalarda müalicə alsa da, təəssüf ki, həyatını xilas etmək mümkün olmamışdır.
Mirkərim Əliyev sabah yaşadığı Masallı rayon Ərkivan qəsəbəsində yerləşən “Bağlaküçə” qəbiristanlığında torpağa tapşırılacaqdır.
“Korrupsiyaxəbər” kollektivi olaraq mərhumun ailəsinə, yaxınlarına və onu tanıyan hər kəsə dərin hüznlə başsağlığı verir, Allahdan rəhmət diləyirik.
Allah rəhmət eləsin.
"KORRUPSİYAXƏBƏR"
