Son illər bəzi vətəndaşlar tərəfindən Daxili İşlər Nazirliyinin 102 Zəng Mərkəzinə əsassız və ya qəsdən yalan məlumatların verilməsi halları müşahidə olunur.
Bəs belə əməllər qanunvericiliklə hansı məsuliyyəti yaradır?
Hüquqşünasların bildirdiyinə görə, polis orqanlarına, xüsusilə də "102" Xidməti-Zəng Mərkəzinə bilərəkdən yalan məlumat verilməsi inzibati və bəzi hallarda cinayət məsuliyyəti yarada bilər.
Yalan məlumat nəticəsində polis əməkdaşlarının əsassız olaraq hadisə yerinə göndərilməsi, dövlət resurslarının boş yerə sərf olunması, habelə həqiqətən köməyə ehtiyacı olan vətəndaşların müraciətlərinə operativ reaksiya verilməsinin ləngiməsi ictimai təhlükəsizlik baxımından ciddi problem hesab olunur.
Azərbaycan Respublikasının qanunvericiliyinə əsasən, dövlət orqanlarının fəaliyyətinə mane olan, qəsdən yalan çağırış və ya məlumat vermə halları hüquqi qiymət alır və həmin şəxslər barəsində qanunla nəzərdə tutulmuş tədbirlər görülə bilər.
Mütəxəssislər vətəndaşlara tövsiyə edirlər ki, "102" xidmətinə müraciət edərkən yalnız həqiqətə uyğun məlumatlar təqdim etsinlər, hadisə barədə dəqiq məlumat versinlər və dövlət qurumlarının fəaliyyətinə süni maneələr yaratmasınlar.
Unutmayaq ki, "102" xətti vətəndaşların təhlükəsizliyi üçün yaradılmış operativ xidmət vasitəsidir. Bu xidmətə edilən hər bir müraciət məsuliyyət tələb edir və qəsdən verilən yalan məlumat qanun qarşısında cavabsız qalmır.
Odur ki, KORRUPSİYAXƏBƏR.COM.AZ olaraq vətəndaşları qanunlara hörmətlə yanaşmağa, dövlət qurumlarının fəaliyyətinə dəstək verməyə və hüquqi məsuliyyət yarada biləcək əməllərdən çəkinməyə çağırırıq.
KORRUPSİYAXƏBƏR
