Ümummilli lider Heydər Əliyevin 1998-ci ildə imzaladığı Fərmanla iyulun 2-si Azərbaycan Polisi Günü elan olunub.
Bu münasibətlə Daxili İşlər Nazirliyinin polkovniki Vaqif Əsədov daxili işlər naziri cənab Vilayət Eyvazov başda olmaqla bütün polis əməkdaşlarını təbrik edib.
"KORRUPSİYAXƏBƏR", sabiq polkovnikin təbrikini olduğu kimi diqqətinizə çatdırır.
Təbrikdə deyilir:
"Möhtərəm Daxili İşlər naziri, cənab general-polkovnik hörmətli Vilayət Süleyman oğlu Eyvazov,
Daxili İşlər Nazirliyinin bütün şəxsi heyəti və əziz polis veteranları,
Sizi 2 iyul - Azərbaycan Polisi Günü münasibəti ilə ürəkdən təbrik edir, hər birinizə möhkəm cansağlığı, firavanlıq və şərəfli xidmətnizdə yeni uğurlar arzulayıram.
Bu il Azərbaycan polisinin yaranmasının 108-ci ildönümü qeyd olunur. Bir əsrdən artıq şərəfli tarixə malik olan Azərbaycan Polisi dövlətçiliyimizin möhkəmləndirilməsində, ictimai asayişin və qanununun aliliyinin təmin olunmasında, vətəndaşlarımızın təhlükəsizliyinin qorunmasında mühüm xidmətlər göstərmişdir.
Bu gün də Sizin rəhbərliyiniz altında polis orqanları peşəkarlıq, qətiyyət və Vətənə sədaqətlə xalqımıza layiqincə xidmət edir, cəmiyyətin sabitliyinin və təhlükəsizliyinin etibarlı təminatçısı olaraq yüksək etimad qazanır.
Uca Allah Sizi və bütün Azərbaycan Polisi əməkdaşlarını qorusun! Vətənimizə və xalqımıza xidmət yolunda daim yeni naliyyətlər qazanasınız".
Hörmətlə: Vaqif Əsədov (sabiq polkovnik)
KORRUPSİYAXƏBƏR
