Zaqatala rayonunun Bəhmətli kənd sakini, fermer "KORRUPSİYAXƏBƏR" ə müraciət edərək Zaqatala Su Meliorasiya Sistemləri İdarəsinin fəaliyyətindən narazılığını ifadə edib.
Şikayətçinin sözlərinə görə, əkin sahəsini su ilə təmin edən suvarma kanalı uzun müddət təmizlənmədiyindən və vaxtında texniki xidmət göstərilmədiyindən suyun axını pozulub. Nəticədə 13 hektar qarğıdalı sahəsinin normal suvarılması mümkün olmayıb, bu isə məhsuldarlığa ciddi mənfi təsir göstərib.
Fermer bildirir ki, məsələ ilə bağlı dəfələrlə Zaqatala Su Meliorasiya Sistemləri İdarəsinə müraciət etsə də, problemin aradan qaldırılması istiqamətində effektiv tədbirlər görülməyib. Onun iddiasına görə, su çatışmazlığı səbəbindən əkin sahəsində məhsulun inkişafı zəifləyib və böyük həcmdə maddi zərər yaranıb.
Məsələ ilə bağlı redaksiyamız tərəfindən Zaqatala Su Meliorasiya Sistemləri İdarəsinin rəisi Ruslan Poladovun adına rəsmi informasiya sorğusu göndərilib. Sorğuda aşağıdakı məsələlərə aydınlıq gətirilməsi xahiş olunub:
Redaksiyamız qarşı tərəfin mövqeyini də işıqlandırmağa hazırdır. Zaqatala Su Meliorasiya Sistemləri İdarəsindən daxil olacaq rəsmi cavab olduğu kimi dərc ediləcək və oxuculara təqdim olunacaq.
Qeyd: Məqalədə yer alan iddialar müraciət edən fermerə məxsusdur. Məsələnin bütün tərəflərinin mövqeyinin işıqlandırılması məqsədilə aidiyyəti quruma rəsmi sorğu ünvanlanıb.
"KORRUPSİYAXƏBƏR"
