"KORRUPSİYAXƏBƏR" ə daxil olan məlumata görə, Sabirabad Rayon İcra Hakimiyyəti Aparatının rəhbəri Siraqəddin Cabbarov, Sabirabad rayon, Narlıq kənd sakini, (şəhid qardaşı) Əliyev Haqverdi Güləhməd oğlunu təhqir və təhdid edib.
Bu barədə redaksiyamıza 1993-cü ildə İşğal altında olan torpaqlarımızın azadlığı uğrunda qəhramancasına döyüşərək, qanından və canından keçərək şəhidlik zirvəsinə ucalmış, şəhid Əliyev Qoşqar Güləhməd oğlunun qardaşı, fəal vətəndaş, ağsaqqal, Sabirabad rayon Narlıq kənd sakini, Əliyev Haqverdi Güləhməd oğlu məlumat verib.
Belə ki, (şikayətçi) Əliyev Haqverdi Güləhməd oğlu, bu gün (09.12.2025-ci il tarixdə) redaksiyamızın qaynarxətt nömrəsinə zəng edərək, bildirdi ki, Sabirabad RİHA-nın rəhbəri Siraqəddin Cabbarov, özünün işlətdiyi mobil əlaqə nömrəsi ilə ona zəng edərək, bir-neçə gün bundan öncə Sabirabad rayon, Narlıq kəndində Heydər Əliyev Fondunun təşəbbüsü ilə əsaslı təmir olunmuş məktəbdə "Təbii qazın, işığın, suyun və istiliyin olmaması ilə bağlı kənd ictimaiyyəti ilə birlikdə çıxış edərək, həmin çıxışı videoqeyd şəkilində redaksiyamıza ünvanlamasına görə, ona irad bildirib, kobud şəkildə təhqir və təhdid edib.
Deyilənlərlə bağlı tərəfimizdən RİHA-nın rəhbəri cənab həsən həsənovla əlaqə saxladıq, Həsən müəllim, deyilənlərlə bağlı məlumatının olmadığını və bu barədə cənab başçıya məlumat verəcəyini bildirdi.
Daha sonra təxminən axşam saatlarında şikayətçi bir daha zəng edərək, özünü Sabirabad rayon İcra Hakimiyyətinə dəvət edildiyini bildirdi. Lakin, zəng əsasında heç bir orqana getmək istəmədiyini bildirdi. Biz də onu dəvət edən mobil nömrə ilə əlaqə saxlayaraq, şikayətçinin tanımadığı zəng əsasında getmək istəmədiyini diqqətinə çatdırdıq və əlaəvə olaraq,Haqverdi Əliyevin bildirdiklərini qısa şəkildə ona bildirdik. Onun bizimlə davranışının İcra Hakimiyyəti orqanının əməkdaşının davranışına oxşamadığından biz özümüz də şübhələndik və şikayətçiyə rəsmi bildiriş göndərilməsinin məqsədəuyğun olduğunu diqqətinizə çatdırdıq.
Odur ki, şikayətçinin şikayətində bildirdiklərinin tərəfimizdən qeydə alındığını diqqətinizə çatdıraraq, deyilənlərlə bağlı mövqe bildirilməsi üçün tərəfimizdən ölkə rəhbərinə rəsmi məlumat məktubu ünvanlanacaqdır.
Qarşı tərəfi də dinləməyə və mövqelərini dərc etməyə hazırıq!
KORRUPSİYAXƏBƏR
