"KORRUPSİYAXƏBƏR" ə daxil olan məlumata görə, Dünən, (17 dekabr 2025-ci il tarixdə) Şəki rayonunun Baş Şabalıd kəndində Məmmədova Sumayə Məmməd qızına məxsus ev yanıb.
Müraciət müəllifi Sumayə Məmmədovanın və ailə üzvlərinin dediyinə görə, baş vermiş yanğın hadisəsinin qarşısı kənd sakinlərinin köməyi nəticəsində alınıb.
Xoşbəxtlikdən hadisə nəticəsində ölən və xəsarət alanlar olmayıb.
Yanğının baş vermə səbəbləri hal hazırda bilinmir. FHN-nin mətbuat xidməti tərəfindən bildirilmiş mövqe əsasında təkrar ictimaiyyətə məlumat veriləcəkdir.
Onu da qeyd edək ki, zərərçəkmiş Sumayə Məmmədova və ailə üzvləri Baş Şabalıd kənd sakinlərinə təşəkkür ediblər.
Əlavə olaraq, bildiririk ki, baş vermiş yanğın nəticəsində çöldə qalmış ailəyə maddi və mənəvi dəstək göstərilməsi üçün, tərəfimizdən həm ölkə rəhbərinə və digər aidiyyatı qurumlara rəsmi məlumat məktubu ünvanlanacaqdır. Həmçinin də zərərçəkmişə məxsus hesab kartı da paylaşılacaqdır.
KORRUPSİYAXƏBƏR
