"KORRUPSİYAXƏBƏR" xəbər verir ki, Yardımlı rayonunda məktəb direktorunun müavini dələduzluq etməsi ilə bağlı məlumat daxil olub. Bu barədə redaksiyamıza Masallı rayon Lürən kənd sakini Hüseynov Tərlan Aydın oğlu məlumat verib. Məlumata görə, Yardımlı rayonunun Horavar kənd tam orta məktəbinin direktor müavini Ramazan müəllim, Masallı rayonunun Lürən kənd sakini Hüseynov Tərlan Aydın oğluna qarşı dələduzluq əməli törədib.
Belə ki, redaksiyamızın qaynar xətt nömrəsi ilə əlaqə saxlayaraq, müraciət edən Masallı rayon Lürən kənd sakini Hüseynov Tərlan Aydın oğlu, müraciətində iki il bundan öncə Yardımlı rayonunun Horavar kənd tam orta məktəbinin direktor müavini Ramazan müəllim ondan məqsədli şəkildə, yəni onu xəstəliklə bağlı əlilliyə çıxaracağını vəd verməklə, ondan 2300 azn (iki min üç yüz) manat məbləğində pulunu ələ keçirmişdir. Deyilənlərlə bağlı Ramazan müəllim iddianı qismən qəbul etsə də, tam əsaslı qəbul etməyib. Ramazan müəllimin redaksiyamıza bildirdiyi mövqeyində guya ki, Tərlan adlı şəxsdən həyat yoldaşının xəstəliyi səbəbindən borc almışdır. Lakin, şikayətçi tərəfindən redaksiyamıza təqdim olunan səs yazılarından Ramazan müəllimin Tərlan Hüseynovdan məqsədli şəkildə pul aldığı müəyyən olunur.
Qeyd edək ki, müraciətin daha ətraflı araşdırılması məqsədilə tərəfimizdən AR-nın prezidentinə və digər aidiyyatı orqanlara rəsmi məlumat məktubu ünvanlanacaqdır.
Məsələ diqqətdə saxlanılır.
