Zaqatala RMX-nın həkiminin İsmayıllıda baş verən qəzada həlak olması ilə bağlı suallar yaranıb
DİN-Mətbuat Xidmətinin Şəki Regional qrupunun baş inspektoru Mahir Məsimov "KORRUPSİYAXƏBƏR " ə bildirib ki,bu gün saat 16:00 radələrində İsmayıllı rayonu ərazisində baş vermiş ağır yol-nəqliyyat hadisəsi nəticəsində Zaqatala Rayon Mərkəzi Xəstəxanasının həkimlərindən biri həyatını itirib.
Hadisə ilə bağlı ictimaiyyət arasında müəyyən suallar yaranıb. Belə ki, həkimin saat 16:00-da iş vaxtında olduğu ehtimal edildiyindən, onun həmin vaxt İsmayıllı rayonunda olması diqqət çəkib.
Lakin qeyd edilməlidir ki, hazırda həkimin həmin gün məzuniyyətdə, ezamiyyətdə, növbədənkənar istirahətdə və ya rəhbərlik tərəfindən verilmiş hər hansı rəsmi icazə əsasında iş yerindən kənarda olub-olmaması barədə rəsmi məlumat yoxdur.
Buna görə də, məsələ ilə bağlı hər hansı qəti nəticəyə gəlmək və ya iddia irəli sürmək düzgün hesab edilmir. Mövzunun tam aydınlaşdırılması üçün aidiyyəti qurumların və Zaqatala Rayon Mərkəzi Xəstəxanasının rəsmi mövqeyinin öyrənilməsinə ehtiyac var.
Redaksiyamız tərəfindən məsələ ilə bağlı aidiyyəti qurumlara sorğu ünvanlanacaq və daxil olacaq rəsmi cavab əsasında əlavə məlumat ictimaiyyətə təqdim ediləcək.
"KORRUPSİYAXƏBƏR"
