Müştəri belə münasibət gözləmirdi: Paşa Sığortada yaşananlar
"KORRUPSİYAXƏBƏR"in rəhbəri Elyaz (Yazan) Gülüyev, Paşa Sığortanın Azneft dairəsi yaxınlığında yerləşən idarəsində qarşılaşdığı müsbət xidməti ictimailəşdirib.
Onun sözlərinə görə, avtomobilinə dəymiş ziyanın qiymətləndirilməsi ilə bağlı sığortaya müraciət edərkən əməkdaş Şahin Quliyev tərəfindən peşəkar və nəzakətli yanaşma nümayiş etdirilib. Qiymətləndirmə prosesi çərçivəsində avtomobilin müxtəlif bucaqlardan şəkillərinin təqdim olunması xahiş edilib.
Müştəri avtomobilinin yaxınlıqda yerləşdiyini bildirərək şəkilləri çəkmək üçün qısa müddət istəyib. Sığorta əməkdaşı isə bu xahişi anlayışla qarşılayaraq gözləyib və əlavə olaraq, yolun əks tərəfinə keçərkən ehtiyatlı olması, yol hərəkəti qaydalarına riayət etməsi ilə bağlı tövsiyə verib.
Elyaz Yazan bildirib ki, bu cür yanaşma sadəcə xidmət deyil, eyni zamanda vətəndaşa göstərilən diqqət və hörmətin göstəricisidir. Onun fikrincə, məhz bu kimi davranışlar bank sektorunda müştəri məmnuniyyətinin formalaşmasında mühüm rol oynayır.
Qeyd edək ki, müştəri tərəfindən səsləndirilən bu təşəkkür mesajı sosial baxımdan da müsbət nümunə kimi qiymətləndirilir və digər xidmət sahələri üçün örnək hesab olunur.
KORRUPSİYAXƏBƏR
